ინსტიტუტის საქმიანობის მიზნებია:
- უნივერსიტეტის სამეცნიერო პოტენციალისა და კვლევების განვითარება;
- უნივერსიტეტის სამეცნიერო-კვლევითი საქმიანობის დაგეგმვა, მისი განხორციელების ხელშეწყობა და კოორდინაცია;
- სამეცნიერო-კვლევითი პროექტების შიდა (საუნივერსიტეტო) და გარე დაფინანსებასთან დაკავშირებული საქმიანობის მართვა და კოორდინაცია;
- სამეცნიერო-კვლევითი პროექტების მოზიდვისა და განხორციელების ხელშეწყობის მიზნით საერთაშორისო, რეგიონულ და ადგილობრივ ორგანიზაციებთან, სახელმწიფო და არასახელმწიფო ორგანიზაციებთან ურთიერთობის დამყარება და ამ მიმართულებით უნივერსიტეტის საქმიანობის კოორდინაცია;
- უნივერსიტეტის ფარგლებში მიმდინარე/განსახორციელებელი სამეცნიერო-კვლევითი პროექტების მართვის ხელშეწყობა და კოორდინაცია, სამეცნიერო კვლევების სასწავლო პროცესთან ინტეგრაციის ხელშეწყობა.
- უნივერსიტეტის სადოქტორო პროგრამების კვლევითი პოტენციალის ეფექტურობის მხარდაჭერა;
- უნივერსიტეტის სამეცნიერო პოტენციალის პოპულარიზაციის ხელშეწყობა;
ინსტიტუტის ძირითადი ამოცანებია:
- უნივერსიტეტის კვლევითი მიმართულებების პრიორიტეტულობის პერიოდული განსაზღვრა;
- უნივერსიტეტში სამეცნიერო-კვლევითი საქმიანობის განსახორციელებლად და მის მხარდასაჭერად საჭირო ინსტრუმენტების/მექანიზმების შემუშავება და მათი განვითარება;
- უნივერსიტეტის სამეცნიერო-კვლევითი საქმიანობის/კვლევითი პროექტების შესახებ ინფორმაციის შეგროვების ეფექტური სისტემის შექმნა და მისი შეუფერხებელი ფუნქციონირების უზრუნველყოფა;
- საერთაშორისო, რეგიონულ და ადგილობრივ ორგანიზაციებთან, ასევე სახელმწიფო და არასახელმწიფო ორგანიზაციებთან ინსტიტუციონალური თანამშრომლობა სამეცნიერო სფეროში;
- კვლევების შედეგების პოპულარიზაციის მიზნით ადგილობრივი და საერთაშორისო კონტაქტების დამყარება, უნივერსიტეტის სამეცნიერო-კვლევითი საქმიანობის ინტერნაციონალიზაცია.
- უნივერსიტეტის სადოქტორო პროგრამებში კვლევითი პოტენციალის გამოვლენა და ეფექტურობის ზრდის ხელშეწყობა.
